Qazaqstan Respýblıkasy Úkimetiniń qaýlysy  №300 

2016 jylǵy 23 mamyr, Astana, úkimet Úıi Sharap materıalyn, syra men syra sýsynyn qospaǵanda, alkogol ónimin esepke alý-baqylaý tańbalarymen qaıta tańbalaýdyń keıbir máseleleri jáne Qazaqstan Respýblıkasy Úkimetiniń keıbir sheshimderiniń kúshi joıyldy dep taný týraly «Salyq jáne bıýdjetke tólenetin basqa da mindetti tólemder týraly» 2008 jylǵy 10 jeltoqsandaǵy Qazaqstan Respýblıkasynyń Kodeksi (Salyq kodeksi) 653-babynyń 5-tarmaǵyna sáıkes Qazaqstan Respýblıkasynyń Úkimeti qaýly etedi: 1. 2016 jylǵy 1 qyrkúıekke deıin 2015 jylǵy 23 mamyrdan bastap engizilgen esepke alý-baqylaý tańbalarymen tańbalaý múmkindigimen, 2017 jylǵy 1 mamyrǵa deıingi merzimde sharap materıalyn, syra men syra sýsynyn qospaǵanda, alkogol ónimin 2016 jylǵy 1 qańtardan bastap engizilgen jańa úlgidegi esepke alý-baqylaý tańbalarymen qaıta tańbalaý júzege asyrylsyn. 2. Qazaqstan Respýblıkasynyń Qarjy mınıstrligi Qazaqstan Respýblıkasynyń zańnamasynda belgilengen tártippen osy qaýlydan týyndaıtyn sharalardy qabyldasyn. 3. Mynalardyń kúshi joıyldy dep tanylsyn: 1) «Alkogol ónimin esepke alý-baqylaý tańbalarymen tańbalaýdyń (qaıta tańbalaýdyń) keıbir máseleleri týraly» Qazaqstan Respýblıkasy Úkimetiniń 2009 jylǵy 8 jeltoqsandaǵy №2041 qaýlysy (Qazaqstan Respýblıkasynyń PÚAJ-y, 2009 j., №57, 497-qujat); 2) «Qazaqstan Respýblıkasy Úkimetiniń 2009 jylǵy 8 jeltoqsandaǵy №2041 qaýlysyna ózgeris engizý týraly» Qazaqstan Respýblıkasy Úkimetiniń 2010 jylǵy 30 jeltoqsandaǵy №1473 qaýlysy (Qazaqstan Respýblıkasynyń PÚAJ-y, 2011 j., №9, 123-qujat). 4. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV